|
 Монголын тулааны спортын тамирчдын дунд сонирхолтой халз тулаан зохиогдно.
Монголд хөгжиж байгаа тулааны спортын төрлүүдээс хэн нь илүү вэ гэдгийг үзэх гэсэн битүүхэн хүсэл энэ төрлийн спортыг сонирхогчдын дунд оршисоор л байна.Тэгвэл тулааны урлаг,спортыг тамирчдын хэн нь чухам илүү вэ гэдгийг сорих сонирхолтой халз тулаан цуврал болон зохиогдохоор боллоо.
Монголд тулааны урлаг, спортоор үйл ажиллагаагаа явуулдаг холбоод клубүүдын тамирчид оролцох энэхүү сонирхолтой халз тулаан 2010 оны 3 сарын 27 нд,05 сарын 23 нд, 07сарын 31 нд, 09 сарын 25 нд цуврал болон явагдсаар Шигшээ тулаан 11 сарын 06 нд Мишээл Экспо төвд явагдах юм байна.
Одоогоор тулааны спортын тамирчдын чансааг гаргах ажил явагдаж байгаа бөгөөд тулааны спортын хүчтэнүүд мэргэжлийн кикбоксын К-1 дүрмээр 3 минутаар 3 үе тулалдах бөгөөд хасагдах журмаар нийт 6-н жинд өрсөлдсөөр ирэх 11 сард аваргууд тодорно.
Халз тулаан нээлттэй явагдах бөгөөд www.kickboxing.mn сайтаар зочилж тулаанд оролцох хүсэлтээ гаргаж болох юм байна.Мөн гадаадын тамирчид ирж оролцох хүсэлтээ гаргаад байгаа юм байна.
М-1 Гран При гэж нэрлэгдэж байгаа энэхүү тулааны нэр Монголын № 1 гэдгийн товчилсон үг гэнэ шүү, халз тулаан гадаад зохиогдог тулаануудаас тухайлбал Японд зохиогддог К-1 ээс ялгагдах онцлогтой тухайлбал хөнгөн жинг түлхүү оруулж өгсөн нь өөрийн орны тамирчдын онцлогийг харгалзаж үзсэн гэнэ.
Халз тулаан 51,57,60,63,5, 67, 71 кгд аваргуудаа тодруулж суудлын машинаар байлах ажээ.
Каратэ,таеквондо,кикбокс,кунфу, житкундо, гардан тулаан,боксын тамирчдын аль нь илүү вэ гэдгийг бид үзэх л үлдлээ.
|
